Մարտի 18-ին մենք մեր պարսկերենի խմբով գնացել էինք Աշտարակ։ Եղանակը ամպամած էր, սակայն այն մեզ չխանգարեց ունենալ լավ և հագեցած օր։ Աշտարակում վանական համալիրներ այցելելուց հետո այցելեցինք Կարբիի Վահան Թեքեյանի անվան դպրոց, որտեղ որպես երրորդ օտար լեզու պարտադիր դասավանդում էին պարսկերեն։ Ես առաջին անգամ էի գնացել այլ դպրոց կրթական փոխանակուղմների։ Երբ դպրոցի ուսուցիչները մեզ պատմեցին դպրոցի սովորույթների, կարգ ու կանոնի և դրվածքների մասին, հասկացա, թե որքան է մեր դպրոցը տարբերվում Հայաստանի այլ դպրոցներից։ Եղանք դպրոցի դահլիճում և դիտեցինք դպրոցի միջոցառումներից մեկը, որը նվիրված էր պարսիկների ամանորին՝ Նովռուզին։ Միջոցառման մասնակիցները պարսկերենով, բայց շատ մատչելի ներկայացրին Նովռուզը, ցուցադրեցին իրանցիների ամանորյա խորհրդանշական <Հաֆթ սին> սեղանը, որի մասին ես շատ էի լսել և ինձ համար հետաքրքիր էր։ Իսկ միջոցառման վերջում մեր սովորողները պատրաստել էին անակնկալ․ Կարբիի դպրոցի սովորողներին ցուցադրեցինք-սովորեցրին պարսկահայերի հայտնի <Թաշկինակներով պարը>։ Դրանով մենք ցույց տվեցինք, որ մեր կրթահալիրում լեզվից բացի ուսումնասիրում և յուրացնում ենք իրանցիների պարերը, երգերը։ Այնտեղ անցկացրեցինք մեր ճամփորդության մեծ մասը։
💖💕Ես Մարիամ Բարսեղյանն եմ բարի գալուստ իմ բլոգ💕💖 