Վահան Տերյան

Ընտրել ամենաշատը դուր եկած բանաստեղծությունը,  դուրս գրել բոլոր բնութագրող բառերը, բառարանի օգնությամբ գտեք նշված բառերի հոմանիշները, հականիշները:

Բուքն է լալիս. հողմ ու ձյուն, 
Մառախուղ է և մշուշ. — 
Ո՞վ է անվերջ հեծեծում, 
Ո՞վ է կանչում այսպես ուշ։

Ո՞վ է շրջում անդադար, 
Ու՞մ է կանչում հիմա նա, 
Ես հեռու եմ, ես օտար, 
Ասացե՛ք՝ թող հեռանա…

Ասացե՛ք՝ թող հեռանա. 
Թող մոռանա ինձ հավետ,— 
Անդարձություն է հիմա,— 
Չկա դարձի արահետ։

Մեկը կորած շիրմիս մոտ 
Հեկեկում է և երգում. — 
Ո՞ւմ լացն է այն, ո՞ւմ ցավոտ 
Երգն է ճերմակ մրրկում…

Իմ շիրիմը հեռավոր, 
Ե՛վ մոռացված, և՛ մենակ, 
Ո՞վ է հուզում մենավոր 
Իր թախիծով շարունակ։

Օտար երկրի դաշտերում, 
Ցուրտ գիշերում ձմեռվա 
Ո՞վ է անքուն դեգերում, 
Անվերջ սգում իմ վրա….

օտար 
հոմանիշ— 1. Անհարազատ, խորթ, անծանոթ: || Անսովոր, օտարոտի, տարասեռ: || Ուրիշ: Անընտել, անընտանի;
2. Տարաշխարհիկ (բույս, կենդանի):
3. Օտարամուտ, փոխառյալ, եկամուտ, ներքսածական, ներքսածողական:
4. Նորամուտ (սովորություն, տարազ, գաղափար):
5. Օտարազգի, այլազգի, այլացեղ, այլատոհմիկ, խուժ, Օտարածին, օտարածնունդ
հականիշ-հարազատ, հայրենի, բնիկ, տեղացի

հավետ
հոմանիշ—  Հավիտյան, միշտ, ընդմիշտ, հավերժ, շարունակ, հարատև, հանապազ
հականիշ-ժամանակավոր, թռուցիկ, անցողիկ

ճերմակ
հոմանիշ— 1. Սպիտակ, սպիտակագույն, սպիտակաթույր, սպիտակավուն, ճերմակագույն, ճերմակավուն, ճերմակաթույր, ճերմակորակ, ձյունագույն, ձյունաթույր, ձյուներանգ. ձյունասպիտակ, ձյունաճերմակ, կաթնագույն, կաթնաթույր, կաթնավուն, սիւի-սպիտակ, ճեփ-ճերմակ ամբողջապեսի, սպիտակաթորմի, սպիտակահեղց, ճերւմակկապ, ճերմակկեկ, ճերմկոտ, ճերմկոտիկ. Ճերմկուկ, ճերմլուկ:
հականիշ-սև

մենավոր
հոմանիշ— Մենակ, առանձին, միայնակ. մինավոր
հականիշ- շփվող

անքուն
հոմանիշ— Աննինջ, աննիրհ, արթուն
հականիշ- ննջած

անվերջ
հոմանիշ— անծայր, անծայրածիր, անսահման, անեզր, անեզերք, անհուն, անվախճան, անբավ, անսպառ, անհատնում. անդադար, միշտ, շարունակ, միալար, անդուլ, անդլակի, հարատև, հավիտյան, հավիտենական, մշտնջենական, անզրավ, անզրավական
հականիշ— վերջ ունեցող